Torta të kripura me mel dhe lakër të shoqëruar me salcë djathi

Një antipastë shumë e shijshme për ju vegjetarianët, jan të gjashme me tortat e vogla por me perime dimërore.  Për ta bërë një pjatë më komplete i shoqërova me një salcë djathi të bërë me gorgonzola.

2 gota me mel

gjysëm lakre të vogël

2-3 karrota

2 qep të njoma

2 vezë

100 gr. Djathë parmixhano ose pekorino te grirë

1 tufë e vogël me majdanozë

kripë dhe piper i zi

pak vaj ulliri

2 lugë galet

Për salcën e djathit:

150 ml. Qumësht

200 gr. Gorgonzola

Grini imët lakrën dhe qepën e njomë dhe vendoseni të kavërdiset me pak vaj ulliri, shtoni kripë dhe piper të zi dhe lëreni të kavërdiset mirë derisa të zbutet. Hiqeni dhe lëreni të ftohet.

Ndërkohë shpëlani melin mirë dhe vendoseni të ziejë në ujë të bollshëm me kripë për 10 minuta. Kullojeni mirë dhe ruajeni mënjanë.

Grini me rende karrota dhe majdanozin grijeni imët me thike.

Tani bashkoni melin me karrota, lakrën, vezët, djathin e grirë, kripë, piper dhe majdanozë të grirë dhe përzijeni mirë derisa  të bëhet një brumë.

Format individuale lyini me pak vaj dhe pluhërosini me galet. Shtoni pak brumë në secilën prej tyre. Piqini në furrën e nxehur në 160°C për 40 minuta ose derisa shikoni që jan gati.

Përgatisni salcën duke shkrirë gorgonzolën në qumshin e nxehtë derisa të trashet.

Shërbejini tortat e kripura me salcën e gorgonxolës duke e shtruar poshtë atë ose duke ja hedhur sipër.

Ju bëftë mirë 🙂