Fluturime Shpirtërore 30

   Mos e anashkaloni murin e jetës tuaj, atë që gjeni përpara kur mundoheni të ngjiteni e të kaloni për të shkuar …diku.

Diku ….atje ku është gjithkuja jote!

Atje ku ke ngulur vështrimin e asgjë përveçse ajo duhet të duket në horizontin tënd !
Mos të tutin muret…pengesat ..dallgët!
Mos të trëmbin lartësitë e ëndrrat !
Askurrë asgjë nuk qe e lehtë pa qëndresën e murit .
Merr hov e rend për atje ku je nisur të shkosh …sfidoje me shikimin tënd e mendo se je i gatshëm ta hedhësh në toke të kristalizuar në mijra copëza vocërrake zemrën e tij katile .
A e ke imagjinuar vallë si mund të ishte nëse ti vrapoje plot vrull e forcë e hov për ta ngjitur e ai kthehej në një masë xhelatinoze e ti …thjesht rrëshqisje në të …blaksss ….nuk do ishte kurrësesi e njëjta ndjesi triumfi !
Asgjë nuk shpërblen arritjen me mirë se ai gufim zemre në majën e aizbergut tënd të mundur .