Fluturime shpirtërore – 25

Kam nevojë të dashurohem !!!
Kam nevoje të dashurohem !!!….të dashurohem !!!…..plaç hë dreq !…dëgjohet burri ..
Jam lodh tu të nigju 20 vjet tu u lut !
Hahaaahaaa …
Dhe të thuash që nuk kam marrë dhurata ….do gënjej …janë kutitë qe më përgënjeshtrojnë (pavaresisht se ca nuk janë në shijet e mia por …kanë kushtuar shtrenjtë )
Po ja …seç më ka pikur në kokë se dua një burrè Shën Valentinas !!!..Kështu e dua ! Ta shohi lagja tek vjen me krahun mbushur trendafila …flakë (që të pëllcasin shëmrat !!!)
Një tjetër buqete të ma çoje tek puna …mos ta nxejë dera …dhe mundësisht në vaktin e kafes kur lokali është plot…uaaaaa çfarë kënaqësie tek del e  sheh gjithë suprizë demek’se  …dhe e merr si pa teklif hëëmmmm ..
Eeee pooo për këtë nuk është shën-i??Dhe po nuk ma çoi …punë e madhe !
Kam menduar gjithë vitin se si do prezantohem .
Rrofshin luleshpërndarësit !
Një bakshish i mirë e ta sjell ku të duash ! Për vete moj mike !

Si për vete do e bej atë buqete …e do e qendis atë të shkretë copëze kartoline si të ma ketë çuar vetë Shëni …e jo mashkull do si do !!
Epo ..të të vijë mundesia të realizosh ëndrrën tënde e mos ta besh ?!
E shoh burrin gjithë ligësi shtrigeske se ….po ia bej kurthin e ëmbël me trendafilat e ardhur posaçërisht për mua ….nga Shën Valentini ….vetë dora themi .
Ku ta dijë ?!Pika do i bjerë kur të shohë në derë  një krah trëndafila ….flakë të them ….e letrën shoqëruese që pikon mjaltë të dashuruari …dhe mua të hyj pas saj si e pafajshme …se dikush ka menduar të jetë romantik pavarësisht këmbes së patës në bishtin e syrit ..

Trashësisë së belit pakëz të deformuar apo rënies së të pasmeve nga P në B të ekzagjeruar .
Kur e shoh ti nxjerrin syte xixa nga xhelozia ..iki të bej ndonjë puneze duke dredhur pikën B e duke mërmeritur ….a ç’me merr të keqen !!!!
Jam e zgjedhura e Shënit për Valentin !
Gëzuar Valentinin !…..me dashuri Bona !

Valbona Duraj