Fluturime Shpirtërore 31

Me të kam ndarë shumë pjesë të jetës time. Shumë netë nën dritën e verdhur të një llambushke të vogël që fshehja pas një vazoje që mos të shqetesoja nënoken time që flinte në të njëjten dhomë .
Fletët kishin një erë të çuditshme…të ndenjur …ndoshta lagështire a myku disa , por ajo erë ishte kaq e njohur dhe e ëmbël për mua .
Një erë që mbushte netët e mia ëndrra …personazhe …ngjarje e mistere të pazgjidhura akoma .
Si sot ka ikur nga jeta Shekspir dhe Servantes e kanë ardhur e ikur nga jeta shumë të tjere, por ka lindur dhe kjo ditë përkujtimore e tij në vitin 1995 dhe sot bën plot 15 vjet. Adoleshente kjo dashuri , ashtu sikurse do jetë tërë jetën e saj ,sepse nuk besoj se kurrë ska për tu plakur dëshira jonë për shfletimin e faqeve të tij .
Si dashuria ime e parë dhe e fundit …uroj të plakem me të !:)

Valbona Duraj.