Salsa me kiwi (kivi)

Për këtë salsë me kiwi e dëgjova nga një blogere e famshme italiane,tepër e sukseshme dhe një njeri që rezaton pozitivitet po flas për Chiara Maci-n.Ajo e bënte këtë salsë për të shoqëruar peshkun dhe sidomos peshkun e skuqur.Thjeshtë kiwi,vaj ulliri eksta i virgjër,kripë dhe piper.Unë e modifikova duke e bëre sipas mënyrës time.

PERBERSIT:

2 kiwi

lëngu i 1 potokalli

lëkurat e 1 limoni vetëm pjesën e verdhë (fakoltative)

1 lugë mustard dijoni

kripë dhe piper i zi

PERGATITJA:

Shtrydhni portokallen dhe kulloni lëngun në mënyre që të keni vetëm lëngun e hollë pa farat dhe fijet e brendëshme.Qëroni kiwit.Grini imët lëkurën e një limoni vetem pjesën e verdhë.Bëni kujdes mos prekni pjesë e bardhë sepse është e hidhur.(Por mund të bëhet dhe pa lëkurën e limonit)Bashkoni kiwit e qëruara,lëngun e portokallit,mustardën,pak kripë dhe piper të zi,lëkurat e limonit dhe përzijini në maksimumin e shpejtësis në mikser.Eshtë gati kur shikoni të jetë formuar një salsë e trashë si majonez.

Shërbejeni me pjata peshku ose fruta deti.

Ju bëfte mirë 🙂