Sallatë me thjerza, patëllxhanë dhe borzilok.

Një sallatë e thjeshtë freskuese për ditët e nxehta, ideale për tu marr në punë. Për ju që doni të humbni pesh është perfekte pasi të ngop ska shumë kalori dhe është e pasur plot me vlera ushqimore.

1 gotë thjerza të lëna më parë në ujë të ftohtë për 1 orë

2 patëllxhanë

2 thelpinjë hudhra

Disa gjethe borzilok

Pak vaj ulliri për skuqje

Pak kripë

Pak piper të zi

1 spec djegës të freskët

Për marinimin

2 lugë kos

1 lugë mustardë

1 lugë lëng limoni

2 lugë vaj ulliri

Pakëz kripë

Vendosni thjerzat të ziejnë në ujë me kripë për 15 minuta. Kullojini. Prisni patëllxhanët në feta të holla dhe skuqini me pak vaj.

Thithjani vajin e tepërt me letër kuzhine, kriposini, piperosni dhe spërkatini me hudhra të grira imët.

Vendosini thjerzat në një pjatë servirje, vendosini sipër dhe patëllxhanët e e skuqur, shtoni specin djegës të prer hollë, gjethet e borzilokut, kriposini, piperosini.

Bëni një marinaturë duke përzier kosin me mustardën, kripë, lëngun e limonit dhe vajin. Shtojeni sipër thjerzave, përzijini dhe shërbejini.