Sallatë me lulelakër

Për ne adhurueset e perimeve ato janë edhe më të shijshme të gjalla, ndaj sot po ju propozoj këtë recetë të thjeshtë për një sallatë detoks.

1 lulelakër e vogël e njomë

2-3 lugë vaj ulliri

lëngu i 1 limoni

një tuf e vogël  majdanoz ose koper

kripë dhe piper të zi

Pastrojeni lulelakrën nga gjethet dhe priteni hollë me mandolin ose me një thikë të mprehur mirë.

Vendoseni në një sallatier dhe marinojeni me kripë, piper, vaj ulliri, lëngë limoni dhe majdanozë ose kopër të grirë imët.

Kjo sallatë është dhe një shoqëruese e mirë e një fileto mishi ose peshku të ziere ose zgare.