Sallatë me kungulleshka të njoma dhe fara

Për këtë sallatë ju duhen kungulleshkat e vogla, të njoma pasi e kan shijen akoma të ëmbël  dhe nuk ju bezdis ti hani pa gatura. Shtimi i farave mikse i jep sallatës akoma më shumë shije dhe vlera ushqyese.

4-5 kungulleshka

1 lugë mjaltë fërdeteje ose lulesh fusheje

gjysëm luge mustard franceze

2 lugë fara mikse(luledielli, kungulli, suzami, liri etj)

kripë dhe piper i zi

1 lugë vaj ulliri  eksta i virgjër

2 lugë lëng limoni

disa gjethe borzilok

Lani kungulleshkat dhe pritini hollë me mandolinën  ose me qëruesen e patates.

Thekni paksa në tigan miksin e farave.

Veçmas përzieni mjaltin, vajin, mustardën, kripë dhe piperin të zi shtoni dhe lëngun e limonit dhe përzijeni fortë që të krijoni një krem të hollë.

Vendosni kungulleshkat në një pjatë servirje, shtoni miksin e farave, gjethet e borzilokut dhe marinaturën me mustard dhe mjaltë.

Shërbejeni.

Ju bëftë mirë 🙂