Rosto lulelakre

Postuar ne Jan 7th, 2015

Kategoritë:

Një pjatë totalisht vegjetariane. Mundë ta shoqëroni me pak sallatë jeshile dhe ja ku keni një vaktë të përkryer për të ruajtur linjat.

1 lulelakër mesatare

2-3 lugë vaj ulliri

1 lugë e vogël paprika (të ëmbël ose të tymosur si të deshironi)

1 thelpi hurdhër

pak kripë dhe piper të zi

1 lugë djathë parmixhano grirë

disa degë rozmarine

Lulelakrës hiqjani gjethet dhe vendoseni të ziejë në një enë me ujë të bollshëm me pak kripë dhe 2 lugë uthull. Lëreni nja 15 minuta të ziejë, hiqeni dhe lëreni të kullojë uji i tepërt.

Përzieni bashkë vajin me një hurdhër të grirë imët, paprikan, pak piper të zi dhe pak kripë. Lyeni me këtë përbërje komplet lulelakrën me ndihmën e një peneli kuzhine. Spërkateni më pas me djathin e grirë. Vendoseni në një tavë me letër furre poshtë dhe shtoni disa dege rozmarine. Piqeni në furrën e nxehur më parë në 180° derisa kur shikoni që lulelakra është e thekërisur mirë dhe ka marrë një ngjyrë të bukur.

Shërbejeni të nxehtë.

Shënim: ky variant mundë të jetë dhe një garniturë për një fileto viçi, pule ose peshku.