Domate të thata nën vaj të bëra në shtëpi

Name: Domate të thata nën vaj të bëra në shtëpi
Ingredients: Domate Qershizë: 2 kg; Kripë e trashë: 2 lugë gjelle; Hudhra: 1 kok e plotë; Vaj ulliri: Reth 700 ml; Borzilok: Disa degë; Trumëz: Disa degë; Rigon: Disa degë; Spec djegës: 3-4 cop

E keni vëne re sa të shtrenjta e ndonjëher dhe jo me shije të mirë janë domatet e thata të blera. Ndërkohë me pak kohë në dispozicion mund ti përgatisni vetë kur kanë kohën dhe ti ruani për ti përdorur në momentin që ju nevojiten. Super të shijshme për të bër brusketa, fasule, pasta të ndryshme, oriz, e çdo gjë tjetër që fantazia ua lejon.

E lehtë

Përbërësit

2 kg Domate Qershizë
2 lugë gjelle Kripë e trashë
Për marinimin
1 kok e plotë Hudhra
Reth 700 ml Vaj ulliri
Disa degë Borzilok
Disa degë Trumëz
Disa degë Rigon
3-4 cop Spec djegës

Udhëzimet

Lani domatet dhe thaini mirë me beze kuzhine. Ndaini në mes dhe shtroini në një tavë me letër furre posht, të jenë të shtrira mirë jo sipër njëra tjetrës. Spërkatini me kripë të trash dhe piqini në furrën e nxehur më parë në 80°C dhe lërini të thahen mirë derisa të jenë gati. Në minutat e fundit ngrijeni pak temperaturën e furrës në 100°C dhe hapeni paksa derën e saj që lagështia të dali e gjitha jashtë. Lëreni dhe rreth 10 minuta në këtë mënyrë.

Kur të jenë gati vendosini në kavanoza dhe brënda shtoni dhe hudhra të prera në feta, spec djegës të prer në feta, deg rigoni, trumëze dhe borziloku. Mbulojini me vaj ullir ekstra të virgjër 1 gishtë sipër domateve. Mbyllini me kapak.

Më pas mund të vazhdoni me zierjen e kavanozave për ti ruajtur gjatë.