Patate Dukesha

Një recetë franceze e quajturë Pommes Duchesse që shërbehet si kontorno tepër simpatike nga forma e tyre si xhufka.Fare të thjeshta për tu përgatitur.Ajo që ju nevojitet është një qese pastiçerie me grykën e përshtaçme në formë ylli.

PERBERSIT:

500 gr patate

2 të verdha veze

pak arrë myshku

50 gr gjalpë

50 gr parmiggiano (permixhano) i grirë

pak kripë dhe piper i zi

PERGATITJA:

Vendosni patatet të ziejnë në ujë të ftohtë me kripë për rreth 15 minuta.Kur të jenë gati,lërini të ftohen paksa qëroini dhe kaloini në shtypsin e patateve derisa të behen si pure.Shtoni gjalpin dhe përzijini derisa gjalpi te shkrijë dhe të lidhet me patatet e shtypura.Pastaj shtoni djathin e grirë,pak arrë myshku,krip dhe piper të zi.Provojeni nëse është e kripur mjaftueshëm.Në fundë shtoni të verdhat e vezëve dhe përzijini mirë derisa masa të jetë homogjene.Trasferojeni të gjithë masën e patateve në qeset e pastiçerisë me grykën e posaçme si yllë.Vishni nje tavë me letër furre dhe bëni forma si xhufka largë njëra tjetrës.

Vendosini të piqen në furrën e nxehur më parë në 200° për 15-20 minuta,deri kur shikoni që ato kanë marre ngjyrë të artë sipër.

Shërbejini të nxehta si kontorno të pjatave të mishit dhe të peshkut.

Ju bëftë mirë 🙂