Levrek mesdhetar

Kjo pjatë lindi për mos përsëritur rutinën e levrekut në furrë me patate. Për ti dhën akoma më shumë shije duke i shtuar erëza dhe aroma mesdhetare.

1 levrek rreth 1 kg.

300 gr. patate

një dorë ullinjë

një dorë domate të thata

një tufë e vogël trumëz

pak rigon

2-3 thelpinjë hudhëra

pak vaj ulliri

kripë dhe piper i zi

Qëroni patatet, pritini në feta mesatare dhe vendosni në një enë, ku do ti marinoni me pak vaj ulliri, kripë, piper dhe gjethe trumëze. Shtroini  në një tavë me letër furre poshtë. Sipër vendosni levrekun e prerë në feta, kriposeni dhe shtoni pak vaj sipër peshkut. Piqeni në furrën e nxehur më parë në 180°C për rreth 25-30 minuta.

Ndërkohë bashkoni ullinjtë me domatet e prera, hudhërat e prera, rigon, gjethe trumze dhe 2 lugë vaj ulliri. Përzijeni dhe kur peshku të jetë gati shtojani sipër. Sipas dëshirës mund ta lini dhe nja 2 minuta në furrë në mënyrë që ullinjtë të lëshojnë shijen e tyre ose ta shërbeni direkt.

Ju bëftë mirë 🙂