Fileto levreku në kore erëzash të freskëta

Recetë që bëhet në dy sekonda, mjafton që në shtëpi të keni erëzat e freskëta dhe ja ku keni një darkë shumë të shijshme.

1 fileto levreku ose peshkun që dëshironi rreth 400 gr.

3-4 feta buke

Një dorë erëza të freskëta si koper, mëndër, trumëz, majdanoz, rigon

2-3 speca djegës

2 lugë djathë parmixhano i grirë

2-3 lugë verë të bardhë

2-3 lugë vaj ulliri

2 thelpinjë hudhra

Pak kripë

Vendoseni fileton në një tavë me letër furre poshtë, dhe kriposeni paksa.

Në një mikser shtoni tulin e bukës, hudhrat, specin djegës dhe jepini një të bluar të shpejtë, pastaj shtoni erëzat, kripën, bluajini përseri derisa masa të jetë e shkrifët dhe e bluar mirë.

Vendoseni në një enë ku do të shtoni dhe djathin e grirë, vajin dhe verën, përzijeni mirë që të keni një brumë të shkrifët por të njomë.

Me këtë brumë vishni komplet sipërfaqen  e peshkut me një shtres normale, as të hollë shumë as e trashë.

Shtoni akoma pak vaj sipër dhe piqeni në 200°C për 25-30 minuta derisa sipërfaqa të jetë kërce.

Shërbejeni me një sallatë stine ose me patate furre, perime të pjekura, ziera në avull etj.

Ju bëftë mirë 🙂