Cheesecake pa pjekje me reçel qershie

Mendoja t’ua vija më parë këtë recetë që ta përgatisni për festën e fëmijve por ditët në Shqipëri me rrëmujën e tyre stë lën të hedhësh asnjë gërmë. Më në fund  gjeta pak kohë t’ua shkruaj.

500 gr. biskota të thata

250 gr. gjalpë

4 pako filadelfia  naturale

150 gr. sheqer pluhur

lëngu i 1 limoni

200 ml. pana e freskët ose pana për tu formua (duke parë që në Shqipëri mezi gjëndet pana e freskët)

1 majë luge vanilje

4 fleta xhelatinë peshku

2 lugë qumësht

Reçel qershie për sipërfaqen

Vendosni biskotat në blender dhe grijini, pastaj shtoni gjalpin e shkrirë dhe përzijini derisa të bëhet një brumë i njomë. Me këtë mas vishni fundin e një tave dhe anët e saj, ngjesheni mirë dhe nivelojeni. Futeni në frigorifer të fresku për 40 minuta.

Ndërkohë vendosni fletët e xhelatinës në një enë me ujë të ftohtë dhe lërini të zbuten.

Në një enë rrihni panën dhe formojeni paksa, shtoni dhe lëngun e limonit dhe përzijeni përsëri. Në një tjetër enë përzieni filadelfian me sheqerin derisa të bëhen krem, shtoni dhe panën e formuar në të dhe përzijeni mirë që të keni një krem lisho.

Kur xhelatina është zbutur vendoseni të shkrihet në qumshtin e nxehur, përzijeni derisa të shkrihet plotësishtë. Lëreni të ftohet paska dhe kullojeni. Pjesën e filtruar bashkojeni me kremin. Përzijeni përsëri.

Masën derdheni sipër bazës me biskotë, nivelojeni mirë dhe vendoseni përsëri në frigorifer të mpikset. I duhen rreth 4-5 orë.

Në momentin e servirjes shoqërojeni me reçel qershie sipër.

Ju bëftë mirë 🙂