Bukë të vogla integrale

 Janë shumë praktike sidomos për kë merrë  bukë me vete në punë apo  për t’ua dhënë fëmijve me vete në shkollë. Unë kam përdorur një mori miellërash për ta bërë më të errët brumin  por ju mjaftonë të perdorni dhe vetëm një lloj mielli, atë integralin normal që gjëndet në supermarkat.

Për 20 panine

100 gr. miell integral

200 gr. miell thekre

100 gr. miell tërshëre

250 ml ujë të vakët

2 lugë vaj ulliri

pak kripë

16 gr maj birre

miks farash (luledielli, liri, suzami, lulëkuqeje, kungulli)

Përzieni  miellërat  me dy lugë nga miksi i farave, shtoni pak kripë dhe vajin e ullirit. Shkrini majan e birrës në ujin e vakët dhe filloni zini brumin duke e punuar mirë me duarë. Mundë ta punoni me robotin e kuzhinës ose me brumatriçen.Punojeni derisa masa të jetë elastike dhe homogjene. Vendoseni në një enë të bollshme të spërkaturë me miell. Mbulojeni me qese kuzhine dhe vendoseni në furrë vetëm me dritën e saj ndezur. Lëreni të vij për rreth 2 orë e gjysëm ose kur shikoni që masa është dyfishuar. Kaloj kjo kohë duke u ndihmuar me ndihmën e pak mielli i jepini formën e panineve të vogla rumbullake ose të stergjatura. Vendoseni në një tavë me letër furre poshtë dhe lërini të vinë përsëri për rreth 1 orë  në furrën me dritën ndezur të mbuluara me një beze kuzhine të njomë. Kaloj kjo kohë lyeni sipërfaqen e tyre me pak ujë ose vaj dhe spërkateni me miksin e farava. Piqini në 200° për 30  minuta. Lërini të kullojë para se ti konsumoni. Ruajini në çanta letre  ose të mbështjellë me një beze në një vendë të thatë dhe të freskët.

Nëse i doni për fëmijët mund mos ti shtoni miksin e farave.

Ju bëftë mirë 🙂