Makarona me argjinare

Pjatë që bëhet sa hap e mbyllë sytë, ka një shije të përkryer sepse protagonisti kryesorë është në kohën  e tij më të mirë. Argjinarja është një ilaç natural për organizmin tonë ndaj konsumojeni atë sa më shumë.

280 gr. makarona formatin që dëshironi

3-4 kokë argjinare

2-3 lugë vaj ulliri

1 spec djegës i freskët

1 tufë e vogël majdanoz

kripë dhe piper i zi

djathë i grirë pekorino ose parmixhano

2-3 thelpinjë hudhëra

Pastroni argjinaren nga fletet e trasha, maja me gjëmba dhe pushi i brëndshëm. Pritini hollë dhe vendosini  në një enë me ujë me limon të rrin për disa minuta.

Ndërkohë  grini imët hudhërat dhe majdanozin, vendosini të kavërdisen me vajin e ullirit dhe specin djegës. Sapo vaji të aromantizohet shtoni argjinaret e shtrydhura mirë, kavërdisini avash avash derisa të sbuten, kriposini dhe shtoni 1 gotë ujë.

Zjeni makaronat aldente ,kullojini dhe shtoini te tigani i argjinareve sëbashku me një garuzhe ujë nga zjerja e tyre. Përzijeni mirë në tigan derisa përbërësit të lidhen dhe shërbejini me akoma majdanoz të grirë hollë sipër dhe djathë të grirë.

Ju bëftë mirë 🙂