Fileto levreku në kore patatesh

Një pjatë e thjeshtë dhe pa shumë shpenzime për ti lën shijen protagonistit kryesor që është levreku. Me pak kalori është një alternativ e mirë për darkat e fundjavës ku dhe një gotë verë e bardhë nuk të prish shumë punë.

1 levrek rreth 800 gr.

2-3 patate

pak barë qepe

kripë dhe piper të zi

1 thelpi hudhër

1 limon

disa deg trumëz

2-3 lugë vaj ulliri

Priteni me kujdes levrekun duke bërë fileto. Niseni nga kurrizi i tijë dhe shkoni drejt posht me një thikë të mprehur mirë.  Hiqni halat dhe kontrollojeni mirë  nëse i ka ngelur ndonjë.

Vishni një tavë me letër furre dhe vendosni filetot e levrekut në të. Shtoni sipër  kripë, piper, hudhëra të grira imët, gjethe trumëze.

Qëroni patate dhe pritini hollë me ndihmën e një mandoline. Vendosini një nga një sipër levrekut sikur po e vishni në formë luspash. Kriposini, shtoni gjethe trumëze dhe piper te zi dhe pak vaj ulliri. Futeni të piqet në furrën e nxehur më parë ne 200°C për rreth 25 minuta ose kur shikoni që patatet janë pjekur dhe kanë formuar një kore mbrojtëse sipër  levrekut.

Shërbejeni me barë qepe të grirë imët dhe feta limoni.

Ju bëftë mirë 🙂