Makarona “linguine” me gaforre

Një pjatë që bëhet rrall, pjatë festive por të nderon për cdo rastë.

2 gaforre rreth 400 gr. secila

300 gr. makarona linguine

1 gotë vere të bardhë ose 1 gotë të vogël konjak

2-3 thelpinjë hudhëra

1 spec djegës i freskët

një tufë e vogël majdanoz

pak kripë

3-4 lugë vaj ulliri

4-5 lugë salcë domatesh lëngë.

Në një enë të madhe me ujë që valon shtoni kripë dhe gaforret e gjalla. Lërini të ziejnë për rreth 10-15 minuta. Hiqini dhe lërini të ftohen. Ndaini në mes, hiqini masën xhelatinoze të verdhë që kan në kokë pasi është si e hidhur dhe pastroni komplet trupin e sajë dhe këmbët. Unë ndihmohem me rrahësen e mishit për të thyer guackën e fortë. Pjesët që si arrini dot ti hiqni mund ti shtoni dhe të plota në një hap tjetër të recetës.

Tani grini imët hudhëra dhe vendosni të kavërdisen me vajin e ullirit dhe specin e freskët. Sapo vaji të jet aromantizuar shtoni tulin e gaforres dhe pjesët e tjera që nuk keni arritur dot ti pastroni dhe kavërdisini sëbashku. Shuani me verë të bardhë ose konjak. Pastaj shtoni dhe salcën e domates lëreni te gatuhet, shtoni më pas pak ujë dhe lëreni që salsa të bëhet e shijshme dhe të trashet. Kriposni paksa.

Zieni makaronat aldente dhe shtoni te tigani me pak ujë nga zjerja e tyre. Trazojini mirë në tiganë  derisa makaronat të lidhen.

Shërbejini me majdanozë të grirë sipër.

Ju bëftë mirë 🙂