Kungulleshka me salcë domatesh

Ju vegjetarianët do ta adhuroni. Një pjatë shumë e thjeshtë që jep maksimumin e saj pasi kungulleshkat dhe domate jan në kohën e tyre më të mirë:

Për salcën:

500 gr. Domate

2- thelpinjë hudhëra

Një tuf e vogël borzilok

Pak vaj ulliri

1 spec djegës

Pak kripë

Pjesa tjetër

5-6 kungulleshka

Pak djath të bardhë

Prisni domatet në copa të vogla dhe vendoni të kavërdisen me hudhërat e grira, specin djegës dhe gjethet e borzilokut. Kavërdisini mirë, hiqni specin  djegës dhe grijini me grirësin në zhytje. Pastaj vazhdoni akoma gatimin në zjarrë të ulët derisa salca të trashet dhe të humbasi gjithë aciditetin e saj. Kriposeni.

Ndërkohë pritni në feta shumë të holla për së gjati kungulleshkat. Një një tavë paksa të thellë bëni një shtres me salcën e domateve dhe filloni rradhitni fetat e kungulleshkave, shtoini akoma salcë dhe kështu me radhë për sa shtresa të dëshironi. Unë e bëra me tre shtresa sepse e doja të ulët. Shtresën e fundit bëjeni me salcë domatesh dhe sipër shkërmoqni djathin e bardhë. Piqeni në 180° për 30 minuta.

Shërbejeni.

Ju bëftë mirë ☺️