Pulë në mënyrë spanjolle

Për përgatitjen e kësaj tave ju duhet salsiçia chorizo (çorizo)spanjolle por në munges të saj mund ta përgatisni me suxhuk ose sallam të tymosur. Proçedura e pjesës tjetër është fare e thjeshtë.

pjesë pule rreth 8 cop

300 gr. salsiçe çorizo në munges sallam i tymosur ose suxhuk

400 gr. patate

4 qep të kuqe

pak rigon

pak kripë

3-4 lugë vaj ulliri

pak piper të kuq

pak majdanoz

1 portokall

Pjesët e pulës lërini me gjithë lëkur dhe lyini mirë me vaj ulliri nga të gjitha anët. Vendosni në një tavë ku  do të shtoni patatet, salsiçen e prerë në feta dhe qepët e prera në thelpinjë. Kriposini, shtoni rigon, piper të kuq, lëkurën e grirë me rende të një portokalli dhe spërkateni me vaj ulliri.

Piqeni në furrën e nxehur më parë në 200° për rreth 1 orë ose deri kur shikoni që lëkura e pulës është thekërisur mirë. Në fundë shtoni pak majdanoz të grirë imët ose deg rozmarine sipas dëshirës për dekor.

Shërbejeni.

Ju bëftë mirë 🙂