Maska për fytyrë të thatë dhe të ndjeshme për stinën e dimrit
Lëkura në dimër është më delikate se në çdo stinë dhe nga frekuentimi i ambjenteve të ngrohta ajo acarohet dhe thahet më shumë seç duhet. I ftohti bën dhe ai punën e vet dhe ne gjendemi përpara një fytyre të acaruar, të skuqur dhe të fshikur.
Sot po ju shkruaj disa maska që unë i aplikoj në fytyrën time pothuajse gjatë gjithë dimrit por ajo që do ju këshilloja më shumë është të përdorni një krem ushqyes në darke dhe një krem hidratues në mëngjes. Jan këto rituale të vogla që na nevojiten për të pasur një lëkurë të shëndetshme plot shkëlqim.
Maskë me banane,mjalt dhe kos
Përbërësit:
1 banane e pjekur mirë
2 lugë kos
2 lugë mjalt
1 lugë vaj ulliri
Përgatitja:
Grini në mikser bananen dhe shtoini kosin, mjaltin dhe vajin e ullirit. Përzijeni mirë dhe vendoseni në fytyrë për 20 minuta. Shpëlajeni me ujë të vakët.
Maskë me miell, qumësht dhe mjaltë
Përbërësit:
1 lugë miell të bardhë
1 lugë qumësht
1 lugë mjalt
Përgatitja:
Përbërësit bashkojini bashkv derisa të përfitoni një si krem të trashë. Vendoseni në fytyrë për 15 minuta dhe shpëlajini me ujë të vakët dhe pastaj me ujë të ftohtë
Maskë me vezë
Përbërësit:
1 e verdhë veze
2-3 pika vaj bajame
2 pika lëng limoni
Përgatitja:
Vezën rriheni me vajin dhe limoni dhe vendoseni në fytyrë. Mbajeni rreth 20 minuta dhe shpërlaheni me ujë të vakët dhe sapo ta keni hequr të tërën , shpëlaheni direkt me ujë të ftohtë.
Maskë me avokado
Përbërësit:
gjysëm avokado e pjekur mirë
2 lugë kos
2 lugë mjalt
Përbërësit:
Avokadon trasformojeni në pure dhe shtojini kosin dhe mjaltin. Lyeni me të fytyrën dhe mbajeni rreth 15 minuta. Shpëlaheni me ujë të vakët dhe pastaj me ujë të ftohtë.
Maskë me majonez
Përbërësit:
1 vezë
2-3 lugë vaj ulliri ose vaj bajamesh
Përgatitja:
Vezën rriheni me rrahësin elektrik duke shtuar nga një lugë vaj derisa të formoni një majonez. Lyeni me të fytyrën dhe mbajeni nja 20 minuta. Shpëlaheni me ujë të vakët dhe direkt me ujë të ftohtë.
Shpresoj tju kem ndihmuar. Shihemi në postime të tjera 🙂
