Shishqebap viçi

Postuar ne Dhj 15th, 2014

Kategoritë:

Të gjithë dimë të bëjmë shishqebap por sekreti im qëndron te marinimi. Mishin që kam përdorur e lëj të marinohet mirë në mustard, vaj ulliri dhe erëza. Nëse i piqni në zgarë shtoini dhe një lugë mjatë ose sheqer kaf. Mishi i marinuar në këtë mënyre do të rri më i butë dhe me shumë aromë.

Për rreth 20 cop

1 kg. mish viçi tul

300 gr. mustard

4-5 lugë vaj ulliri ekstra i virgjër

piper i zi

pak kripë

pak rigon

3-4 karrota

3-4 speca jeshil

2 kungulleshka

Prisni mishin në kubik dhe vendoseni në një enë të bollshme. Shtoni sipër tijë kripë, piper të zi të bluar në çast, rigon, vajin e ullirit dhe mustardën. Përzijini mirë derisa të gjithë përbërësit të lidhen me njëri -tjetrin. Mbulojeni enën me një qese kuzhine dhe vendoseni në frigorifer të pushoje per rreth 4-5 orë ose gjithë natën.

Pas kësaj, prisni karrotat në feta, specin dhe kungulleshkat në një formë të rregullt. Kalojini në shkopin e shishqepabit, përbërësit të alternuar midis tyre (mish-karrota-mish- kungulleshka dhe speca ). Vazhdoni kështu për të gjithë pjesën e mbetur të përbërësve.

Në këtë pikë mundë të veproni në dy opsione, ti piqni në zgarë dhe kjo do ishte ideale ose në furrë në 180° për rreth 30-40 minuta.

Shërbejini të ngrota me një garniturë patetesh furre.