Ingredients
-
500 gr Luleshtrydhe
-
2 lugë gjelle Sheqer
-
Pak ekstrakt vanilje
-
Lëngu i 1 limoni
-
1 Degë Rozmarine
-
5 Të verdha veze
-
4 lugë gjelle sheqer
-
500 gr Maskarpone
-
250 ml pana vegjetale për ëmbëlsira
-
Savoiardi
-
Çokollatë e bardhë (për spërkatje)
-
Fistik i grimcuar (për dekor)
Directions
Përgatitja:
-
Marinimi i luleshtrydheve
Pritni 500 g luleshtrydhe në copa të vogla. Vendosini në një enë me 2 lugë sheqer, pak ekstrakt vanilje, lëngun e një limoni dhe një degë rozmarine. Mbulojini me qese celofoni dhe lërini të qëndrojnë disa orë në frigorifer, derisa të lëshojnë lëng. -
Përgatitja e kremit
Në një enë mbi banjomari, rrihni 5 të verdha veze me 4 lugë sheqer derisa të zbardhen dhe të bëhen si shkumë. Hiqeni nga nxehtësia dhe lëreni pak të ftohet.
Shtoni gradualisht 500 g mascarpone, duke rrahur vazhdimisht derisa të formohet një masë e njëtrajtshme. Më pas, shtoni 250 ml pana vegjetale të rrahur paraprakisht dhe përziejeni me kujdes me spatul.
Mbulojeni kremin me qese celofoni dhe lëreni të pushojë në frigorifer për 30 minuta derisa të trashet. -
Përgatitja e shtresave
Kullojini luleshtrydhet dhe ruani lëngun për të njomur biskotat. Në një enë të thellë, filloni të krijoni shtresat:-
Njomni biskotat në lëngun e luleshtrydheve dhe vendosini në fund të enës.
-
Shtoni një shtresë kremi.
-
Shtoni luleshtrydhe të marinuara sipër.
Përsëriteni procesin edhe një herë ose më shumë, sipas lartësisë së enës.
-
-
Dekorimi
Në fund, spërkateni me çokollatë të bardhë të grirë dhe fistik të grimcuar.
Vendoseni ëmbëlsirën në frigorifer për të paktën 2 orë para shërbimit.
