Search
E shtunë 24 Qershor 2017
  • :
  • :

Rreth Meje

Më quajnë Uarda, por të gjithë më njohin si Ada ose më saktë “Adda’s All”

Është e vështirë të flasësh për vehten por do mundohem t’ju a përshkruaj për të më kuptuar sa më mirë.

Vij nga një familje e thjeshtë Tiranase.

Kam mbaruar Universitetin Bujqesor të Tiranës dhe gjatë studimeve jam marrë më një mori aktivitetesh të tjera për të formuar sa më mirë profilin tim.

Çdo gjë që ka të bëj me krijimtarinë unë mendoj se e kam pasur gjithmon si virtyt të fshehur brënda meje, por ky virtyt u zhvillua më shumë kur lash mbrapa formimin tim për tju dedikuar jetës familjare, këtu dolën në pah disa pasione që më rrinin të fshehura në unin tim.

Unë e dua fotografinë, udhëtimet, kafshët, librat, gatimin, më kujtohet se këtë të fundit e kam adhuruar që kur isha e vogël dhe krijoja pjata me të vetmin libër kuzhine që kishim në shtëpi. Shumë përbërës nuk i njihja por i shënoja për ti gjetur më pas në biblotekën e shkollës.

Pse pikërisht gatimi do më thoni ju?!

Sepse ndoshta ngaqë I bëj naze ushqimit….. , ndoshta sepse nuk besoj tek të ushqyerit si diçka për të mbushur barkun, por si diçka që të bën të lumtur në çdo kafshat të tijë. Sepse të gatuash është kaq bukur dhe të fal kaq shumë dashuri.

Kjo jam unë për çdo pjatë, kur krijoj receta duke shtuar diçka nga vetja ime dhe ndjehem mirë kur në sytë e atyre që shijojnë ushqimin tim shikoj “Lumturinë e të shijuarit”.

Udhëtimet e shumta që kam bërë më kanë pasuruar shumë botën e gastronomisë, më kanë rritur shijen dhe mënyrën se si të ushqehem, duke kërkuar çdo ditë e më shumë vlerat dhe shijet më të mira për organizmin.

Këto njohuri që kam perfituar, i ndaj me lexuesit e mi për ti informuar edhe ata rreth produkteve dhe pjatave që deri dje ne as emrin nuk j’ua njihnim.

Këto janë pasione  të cilat unë jam mësuar nga praktika ti ndërthur me njëri -tjetrin dhe për te cilat mund të them me plot gojën qe s’bëj dot më pa ato.

Mbase kjo kam qënë gjithmon, mu desh shumë kohë ta kuptoja veten dhe më në fund gjeta rrugën time por jo fundin e saj.

Për mua ky është një fillim që e ndaj çdo ditë online në webin “addasall.com” për më shumë se dy vjet tashmë.

Ku do jem unë në të ardhmen?! Mendoj para sobës e sapo kthyer nga udhëtimi i rradhës duke mbajtur një libër në dorë dhe me tjetrën duke përzier ushqimin që po gatuaj 🙂

Ose në ndonjë stand librarie duke firmosur librin tim të radhes. Të parin #jetodashuroushqehu e keni  ndër duar tashmë

Nëse ju nevojitet të dini diçka tjetër rreth meje mos hezitoni të më kontaktoni.