Search
E mërkurë 18 Tetor 2017
  • :
  • :

Krepa “light” me miell orizi

IMG_4764

Me shijen delikate, këto krepa do bëhen nga ky postim e tutje të preferuarit për mëngjesin tuaj ose zemrën e pasdites. Mund ti personalizoni me shijet që doni por natyrishtë pa i rënduar në kalori. Të pershtaçëm për fëmijët, për ata që vuajnë nga gluteina dhe për të mbajtur trupin në formë.

Shijet e mia janë: Reçel i bërë në shtëpi, kos dhe dardhë, mjaltë me kanell dhe çokollatë e zezë e shkrirë. Fruta të ndryshme etj. Por ju mund ti mbushni dhe me shije të kripur ose çfarë të dëshironi.

 

Perberesit 0

 

 

Për 12- 14 krepa

3 vezë

270 gr. miell orizi

40 ml.  vaj orizi, mund ti bëni dhe me vaj luledielli nëse nuk e gjeni këtë vaj ose me gjalpë si krepat e tjerë.

500 ml. qumësht orizi

pak kripë

Pakëz vanilje

 

Pergatitja

 

 

 

 

IMG_4761

Në një enë të bollshme me anë të larta shtoni miellin,vaniljen duke e situr, pak kripë dhe qumshtin. Rrihini mirë me rrahësin elektrikë ose me telin e kuzhinës derisa të keni një masë lisho.Pastaj shtoni vezët,përzijini përsëri dhe në fundë shtoni vajin. Rrihini derisa masa të jetë nje krem i lëngshëm dhe homogjen.Mbulojeni me qese kuzhine enën dhe lëreni të pushojë në frigorifer për të paktën 50 minuta.

Pas kësaj ngrohni mirë një piastër  për krepa ose një tiganë me fundë që nuk ngjitë. Lyeni pak fundi e tij me vaj orizi herë pas here pasi brumi me miell orizit është më delikatë dhe si pasoj ngjitet pas tiganit. Përzieni përsëri brumin e krepave dhe shtoni në tiganë një garuzhe. Rrotullojeni tiganin në mënyrë që të shpërndani gjithë brumin në sipërfaqen e tiganit. Lëreni pak sekonda sa të mpikset dhe të mari ngjyrën e artë dhe kthejeni petën e krepit. Vazhdoni kështu për gjithë pjesën tjetër të mbetur.

Personalizojeni me shijet që doni më tepër.

 

IMG_4756

 

 

 

IMG_4763

 

 

IMG_4766

Vlersoni Receten
1
2
3
4
5
Vlerso
     
Anullo

Vlersoni Receten

Vleresimi Mesatar:  
 1 Vleresime
nga Amela per Krepa

Shume te mire, i pelqyem familjarisht :)